സീസണിലെ ആദ്യ കിരീട പോരാട്ടമാണ് ഇന്ന്. ഇന്ത്യൻ ഫുട്ബോളിലെ ഐതിഹാസിക കിരീടമായ ഡൂറണ്ട് കപ്പ്. അത് ആര് നേടും എന്ന് ഇന്ന് വൈകിട്ട് അറിയാം. ഐ എസ് എൽ ക്ലബുകൾ ആയ ബെംഗളൂരു എഫ് സിയും മുംബൈ സിറ്റിയും ആണ് ഇന്ന് ഫൈനലിൽ നേർക്കുനേർ വരുന്നത്. ഇരുവരും അവരുടെ ആദ്യ ഡൂറണ്ട് കപ്പ് ആണ് ലക്ഷ്യമിടുന്നത്‌.
സെമി ഫൈനലിൽ ഹൈദരാബാദ് എഫ് സിയെയും ക്വാർട്ടർ ഫൈനലിൽ ഒഡീഷയെയും ആണ് ബെംഗളൂരു എഫ് സി മറിടന്നത്. ഫൈനലിലേക്ക് ഉള്ള വഴിയിൽ നോക്കൗട്ട് ഘട്ടത്തിൽ മൊഹമ്മദൻസിനെയും ചെന്നൈയിനെയും ആണ് മുംബൈ സിറ്റി മറികടന്നത്‌. ഇന്ന് ബെംഗളൂരു എഫ് സി കപ്പ് നേടുക ആണെങ്കിൽ ഐ എസ് എൽ, ഡൂറണ്ട് കപ്പ്, ഐ ലീഗ്് സൂപ്പർ കപ്പ്, ഫെഡറേഷൻ കപ്പ്, ഇവയെല്ലാം നേടിയ ആദ്യ താരമായി മാറാൻ സുനിൽ ഛേത്രിക്ക് ആകും.
ഇന്ന് വൈകിട്ട് 6 മണിക്ക് നടക്കുന്ന മത്സരം തത്സമയം സ്പോർട്സ് 18ലും വൂട്ട് ആപ്പിലും കാണാം.
