ലീഗ് കപ്പ് ക്വാർട്ടർ ഫൈനൽ മത്സരങ്ങൾ അവസാനിച്ചതോടെ സെമി ഫൈനൽ മത്സരങ്ങളുടെ ചിത്രങ്ങൾ വ്യക്തമായി. ലെസ്റ്റർ സിറ്റിയെ വമ്പൻ തിരിച്ചുവരവിൽ തോൽപിച്ച് സെമി ഫൈനൽ ഉറപ്പിച്ച ലിവർപൂളിന്റെ എതിരാളികൾ ആഴ്‌സണൽ ആണ്. ആവേശകരമായ മത്സരത്തിൽ പെനാൽറ്റി ഷൂട്ട് ഔട്ടിൽ ലെസ്റ്റർ സിറ്റിയെ തോൽപിച്ചാണ് ലിവർപൂൾ സെമി ഉറപ്പിച്ചത്. അതെ സമയം സണ്ടർലാൻഡിനെ ഒന്നിനെതിരെ അഞ്ച് ഗോളുകൾക്ക് പരാജയപ്പെടുത്തിയാണ് ആഴ്‌സണൽ സെമി ഫൈനൽ യോഗ്യത നേടിയത്.
അതെ സമയംരണ്ടാം സെമി ഫൈനലിൽ ലണ്ടൻ ഡാർബിയിൽ ചെൽസി ടോട്ടൻഹാമിനെ നേരിടും. ക്വാർട്ടർ ഫൈനലിൽ ഏകപക്ഷീയമായ രണ്ട് ഗോളുകൾക്ക് ബ്രെന്റഫോർഡിനെ പരാജയപ്പെടുത്തിയത് ചെൽസി സെമി ഉറപ്പിച്ചത്. വെസ്റ്റ്ഹാമിനെ തോൽപ്പിച്ചാണ് ടോട്ടൻഹാം സെമി ഫൈനൽ ഉറപ്പിച്ചത്. ഒന്നിനെതിരെ രണ്ട് ഗോളുകൾക്കായിരുന്നു ടോട്ടൻഹാമിന്റെ ജയം. മുൻ ചെൽസി പരിശീലകനായിരുന്ന അന്റോണിയോ കൊണ്ടെ ചെൽസിയെ നേരിടാൻ വരുന്നു എന്ന പ്രേത്യേകതയും ഈ മത്സരത്തിനുണ്ട്.
ജനുവരി 3, 10 തിയ്യതികളിൽ രണ്ട് പാദങ്ങളിൽ ആയാണ് സെമി ഫൈനൽ മത്സരങ്ങൾ നടക്കുക. ഫെബ്രുവരി 27ന് വെംബ്ലിയിൽ വെച്ചാണ് ഫൈനൽ പോരാട്ടം.
