ബയേൺ മ്യൂണിക്ക് വിട്ട് ലിവർപൂളിലേക്ക് പോയ തിയാഗോയുടെ ആറാം നമ്പർ ജേഴ്സിക്ക് ഇനി പുതിയ അവകാശി. ബയേണിന്റെ മധ്യനിര താരം ജോഷ്വ കിമ്മിഷായിരിക്കും ഇനി ആറാം നമ്പർ അണിയുക. ജർമ്മനിയിൽ നിന്നും പുറത്ത് വരുന്ന റിപ്പോർട്ടുകൾ അനുസരിച്ച് ബുണ്ടസ് ലീഗയിലെ ആദ്യ മത്സരത്തിൽ ഷാൽകെ – ബയേൺ പോരാട്ടത്തിൽ ജോഷ്വ കിമ്മിഷ് ആറാം നമ്പർ അണിയും.
ഈ സീസണിൽ ബയേണിൽ 6,7,10 നമ്പറുകളിൽ ഇറങ്ങുക പുതിയ താരങ്ങളായിരിക്കും. കിമ്മിഷ്,ഗ്നാബ്രി,സാനെ ത്രയമായിരിക്കും ബയേണിന്റെ ലെജന്ററി നമ്പറുകളിൽ അടുത്ത സീസണിൽ ഇറങ്ങുക. യൂറോപ്യൻ ചാമ്പ്യന്മാരായ ബയേണിന്റെ ലീഗിലെ ആദ്യ മത്സരം ഷാൽകെക്ക് എതിരെയാണ്. ഇന്ന് രാത്രി 12മണിക്കാണ് കിക്കോഫ്.
