അൽ നസറിന്റെ തുടർച്ചയായ വിജയങ്ങൾക്ക് അവസാനം. ഇന്ന് സൗദി പ്രൊ ലീഗിൽ അൽ അബഹയെ നേരിട്ട അൽ നസർ 2-2ന്റെ സമനില ആണ് വഴങ്ങിയത്. അവസാന മിനുട്ടിൽ വഴങ്ങിയ ഗോളാണ് അൽ നസറിന് വിജയം നഷ്ടമാകാൻ കാരണം.
മത്സരം ആരംഭിച്ച് 28 മിനുട്ടുകൾക്ക് അകം അൽ നസർ ഇന്ന് 2 ഗോളുകൾക്ക് മുന്നിൽ എത്തിയിരുന്നു. മൂന്നാം മിനുട്ടിൽ ഒറ്റാവിയോ ആണ് അൽ നസറിന് ലീഡ് നൽകിയത്. 28ആം മിനുട്ടിൽ ടലിസ്ക അൽ നസറിന്റെ ലീഡ് ഇരട്ടിയാക്കി. 36ആം മിനുട്ടിൽ ഒരു പെനാൾട്ടിയിലൂടെ ആയിരുന്നു അബഹയുടെ ആദ്യ ഗോൾ. 90ആം മിനുട്ടിൽ ടോകോ എകാമ്പി അവർക്ക് സമനിലയും നൽകി.
റൊണാൾഡോ ഇന്ന് 90 മിനുട്ടും കളിച്ചു എങ്കിലും ഗോളടിച്ചില്ല. ഇതിനു മുമ്പുള്ള 10 മത്സരങ്ങളും അൽ നസർ വിജയിച്ചിരുന്നു. 8 മത്സരങ്ങളിൽ നിന്ന് 18 പോയിന്റുമായി അൽ നസർ ലീഗിൽ നാലാം സ്ഥാനത്ത് നിൽക്കുകയാണ്.
