ഇന്ത്യയ്ക്കായി രണ്ടാം ഏകദിനത്തിൽ നാല് വിക്കറ്റ് നേടി ഇന്ത്യയുടെ വിജയത്തിൽ സുപ്രധാന പങ്ക് വഹിച്ച പ്രസിദ്ധ് കൃഷ്ണ ഓസ്ട്രേലിയയിൽ നടക്കുന്ന ടി20 ലോകകപ്പിൽ കളിക്കണമെന്നാണ് തന്റെ ആഗ്രഹം എന്ന് പറ‍ഞ്ഞ് ഹർഭജൻ സിംഗ്.
12 റൺസ് മാത്രം വിട്ട് നല്‍കി 9 ഓവറിൽ 4 വിക്കറ്റ് നേടിയ താരം മൂന്ന് മെയ്ഡന്‍ ഓവറുകളും എറിഞ്ഞു. തന്റെ ഏകദിന കരിയറിൽ ഇതുവരെയുള്ള 6 മത്സരങ്ങളിൽ നിന്ന് താരം 15 വിക്കറ്റാണ് നേടിയിട്ടുള്ളത്.
ഓസ്ട്രേലിയയിലെ ബൗൺസ് ഉള്ള പിച്ചുകളിൽ താരം ഏറെ ഫലപ്രദം ആകുമെന്നും പ്രസിദ്ധ് കൃഷ്ണയ്ക്ക് അധിക ബൗൺസ് കണ്ടെത്താനുള്ള കഴിവുണ്ടെന്നും ഹര്‍ഭജന്‍ വ്യക്തമാക്കി.
ജസ്പ്രീത് ബുംറയ്ക്കൊപ്പം മികച്ചൊരു കൂട്ടുകെട്ട് സൃഷ്ടിക്കുവാന്‍ താരത്തിന് കഴിയുമെന്ന് താന്‍ വിശ്വസിക്കുന്നതായും ഹര്‍ഭജന്‍ സിംഗ് അഭിപ്രായപ്പെട്ടു.
