മുംബൈയുടെ ബൗളിംഗ് പദ്ധതിയെ ന്യായീകരിച്ച് ടിം ഡേവിഡ്. ജസ്പ്രീത് ബുംറയെ ന്യൂ ബോള്‍ എല്പിക്കാത്ത ഹാര്‍ദ്ദിക്കിന്റെ തീരുമാനത്തിന് ഏറെ വിമര്‍ശനം വന്നപ്പോള്‍ ജസ്പ്രീത് ബുംറ എപ്പോള്‍ ബൗള്‍ ചെയ്താലും അത് മുംബൈയ്ക്ക് വലിയ പ്രഭാവം ഉണ്ടാക്കുമെന്നാണ് ടിം ഡേവിഡ് വ്യക്തമാക്കിയത്.
ആദ്യ ഓവര്‍ ആരെറിയണമെന്ന് ടീം മാനേജ്മെന്റ് ചര്‍ച്ച ചെയ്ത് തീരുമാനിക്കുന്നതാണെന്നും ആദ്യ ഓവറുകളാണോ മധ്യ ഓവറുകളാണെങ്കിലോ എപ്പോള്‍ പന്തെറിഞ്ഞാലും ബുംറയുണ്ടാക്കുന്ന വലിയ പ്രഭാവമാണെന്നും ടിം ഡേവിഡ് കൂട്ടിചേര്‍ത്തു.
വരും മത്സരങ്ങളിൽ ജസ്പ്രീത് ബുംറ ചിലപ്പോള്‍ ന്യൂ ബോള്‍ എടുക്കാമെന്നും എന്നാൽ താനല്ല അത്തരം തീരുമാനങ്ങള്‍ എടുക്കുന്നതെന്നും ടിം ഡേവിഡ് കൂട്ടിചേര്‍ത്തു.
