Local Sports News in Malayalam

രണ്ടാം ദിവസവും ഇടിയും മഴയും!!! പിങ്ക് ബോള്‍ ടെസ്റ്റ് സമനിലയിലേക്ക്

ഇന്ത്യ – ഓസ്ട്രേലിയ പിങ്ക് ബോള്‍ ടെസ്റ്റിൽ രസം കൊല്ലിയായി മഴ. ഇന്ന് മത്സരത്തിന്റെ രണ്ടാം ദിവസവും ഏറിയ പങ്കും മഴ കവര്‍ന്നപ്പോള്‍ മത്സരത്തിൽ 101.5 ഓവറിൽ 276/5 എന്ന നിലയിലാണ് ഇന്ത്യ. 127 റൺസ് നേടിയ സ്മൃതി മന്ഥാനയുടെ ഇന്നിംഗ്സാണ് ഇന്ത്യയുടെ നെടുംതൂണായി മാറിയത്. പൂനം റൗത്ത്(36), മിത്താലി രാജ്(30), യാസ്തിക ഭാട്ടിയ(19) എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്.

Smritimandhana

ദീപ്തി ശര്‍മ്മ(12*)യ്ക്കൊപ്പം റണ്ണൊന്നുമെടുക്കാതെ താനിയ ഭാട്ടിയ ആണ് കളി തടസ്സപ്പെടുമ്പോള്‍ ഇന്ത്യയ്ക്കായി ക്രീസിലുള്ളത്. രണ്ട് ദിവസം അവശേഷിക്കവെ മത്സരം സമനിലയിൽ അവസാനിക്കുമെന്ന് ഇതോടെ ഉറപ്പായി. ഓസ്ട്രേലിയയ്ക്കായി സോഫി മോളിനക്സ് രണ്ട് വിക്കറ്റ് നേടി.

You might also like