ഇന്ന് നടക്കാനിരുന്ന ഏഷ്യ കപ്പിലെ ബംഗ്ലാദേശ് യുഎഇ മത്സരം ഉപേക്ഷിച്ചതോടെ നിലവിലെ ചാമ്പ്യന്മാരായ ബംഗ്ലാദേശ് ഏഷ്യ കപ്പിൽ നിന്ന് പുറത്ത്. ഇതോടെ ബംഗ്ലാദേശിനെ മറികടന്ന് തായ്‍ലാന്‍ഡ് ടൂര്‍ണ്ണമെന്റിന്റെ സെമി ഫൈനലിലേക്ക് പ്രവേശിച്ചു. ചരിത്രത്തിൽ ആദ്യമായാണ് തായ്‍ലാന്‍ഡ് ഏഷ്യ കപ്പ് സെമിയിൽ എത്തുന്നത്.
സെമി ഫൈനലില്‍ ഇന്ത്യയും തായ്‍ലാന്‍ഡും പാക്കിസ്ഥാനും ശ്രീലങ്കയും ഏറ്റുമുട്ടും. പോയിന്റ് പട്ടികയിൽ ഇന്ത്യയ്ക്കും പാക്കിസ്ഥാനും പത്ത് പോയിന്റാണെങ്കിലും റൺ റേറ്റിന്റെ ബലത്തിൽ ഇന്ത്യ ഒന്നാം സ്ഥാനം നേടി. ശ്രീലങ്കയ്ക്ക് എട്ട് പോയിന്റും തായ്‍ലാന്‍ഡിന് ആറ് പോയിന്റുമാണ് ലഭിച്ചത്. ബംഗ്ലാദേശിന് 5 പോയിന്റ് മാത്രം ലഭിച്ചു.
