ചൈന ഓപ്പണ്‍ പുരുഷ സിംഗിള്‍സില്‍ തായ്‍ലാന്‍ഡ് താരത്തിന്റെ ചെറുത്ത്നില്പിനെ അതിജീവിച്ച് ശ്രീകാന്ത് കിഡംബി. നിര്‍ണ്ണായകമായ മൂന്നാം ഗെയിമില്‍ 24-22 എന്ന സ്കോറിനു ജയിച്ചാണ് മത്സരം കിഡംബി സ്വന്തമാക്കിയത്. ആദ്യം ഗെയിം അനായാസം നേടിയ ശേഷം കിഡംബി രണ്ടാം ഗെയിമില്‍ പിന്നോട്ട് പോയിരുന്നു. മൂന്നാം ഗെയിമില്‍ ഇരുവരും ഒപ്പത്തിനൊപ്പം പോരാടിയപ്പോള്‍ മത്സരം ഏത് ദിശയിലേക്ക് വേണമെങ്കിലും തിരിയുമെന്ന അവസ്ഥയിലായിരുന്നു.
ഒരു മണിക്കൂറും മൂന്ന് മിനുട്ടും നീണ്ട മത്സരത്തിനൊടുവില്‍ 21-12, 15-21, 24-22 എന്ന സ്കോറിനാണ് ഇന്ത്യന്‍ താരത്തിന്റെ ജയം.
