ന്യൂസിലാണ്ട് ടോപ് ഓര്‍ഡറിനെ തകര്‍ത്ത് ഷഹീന്‍ അഫ്രീദി

- Advertisement -

എഡ്ജ്ബാസ്റ്റണില്‍ ഷഹീന്‍ അഫ്രീദിയുടെ മാരക സ്പെല്ലില്‍ ആടിയുലഞ്ഞ് ന്യൂസിലാണ്ട് ടോപ് ഓര്‍ഡര്‍. 12.3 ഓവര്‍ പിന്നിടുമ്പോള്‍ 46/4 എന്ന നിലയിലാണ് ന്യൂസിലാണ്ട്. കെയിന്‍ വില്യംസണ്‍ 23 റണ്‍സുമായി പുറത്താകാതെ നില്‍ക്കുമ്പോള്‍ ഷഹീന്‍ അഫ്രീദി മൂന്ന് മുന്‍ നിര താരങ്ങളെ വീഴ്ത്തി പാക്കിസ്ഥാന് മത്സരത്തില്‍ മേല്‍ക്കൈ നല്‍കിയിട്ടുണ്ട്.

മുഹമ്മദ് അമീര്‍ രണ്ടാം ഓവറില്‍ മാര്‍ട്ടിന്‍ ഗപ്ടിലിനെ പുറത്താക്കിയപ്പോള്‍ ആരംഭിച്ച ന്യൂസിലാണ്ടിന്റെ തകര്‍ച്ച പൂര്‍ണ്ണമാക്കിയത് അഫ്രീദിയാണ്. കോളിന്‍ മണ്‍റോയെയും(12) റോസ് ടെയിലറിനെയും(3) ടോം ലാഥത്തിനെയും(1) വീഴ്ത്തിയാണ് അഫ്രീദി തന്റെ ഇതുവരെയുള്ള മൂന്ന് വിക്കറ്റുകള്‍ നേടിയത്.

 

 

Advertisement