സഞ്ജു സാംസണ്‍ നേടിയ ആവേശകരമായ അര്‍ദ്ധ ശതകത്തിന്റെ മികവില്‍ ഗുജറാത്തിനെതിരെ വിജയ പ്രതീക്ഷയുമായി കേരളം. മത്സരത്തിന്റെ മൂന്നാം ദിവസം ലഞ്ചിനായി താരങ്ങള്‍ പിരിഞ്ഞപ്പോള്‍ കേരളം 159/5 എന്ന നിലയിലാണ്. വിജയം 109 റണ്‍സ് അകലെയാണെങ്കിലും കേരളത്തിന് കൈവശം അഞ്ച് വിക്കറ്റ് മാത്രമേയുള്ളുവെന്നതാണ് അല്പം ആശങ്കയുണര്‍ത്തുന്നത്. സഞ്ജു സാംസണ്‍ 79 പന്തില്‍ 75 റണ്‍സുമായാണ് കേരളത്തിനായി പൊരുതുന്നത്.
മറ്റു താരങ്ങള്‍ക്കാര്‍ക്കും തന്നെ കാര്യമായ പ്രകടനം പുറത്തെടുക്കുവാനായിട്ടില്ല. സഞ്ജുവിന് കൂട്ടായി 5 റണ്‍സുമായി രാഹുല്‍ ആണ് ക്രീസിലുള്ളത്. ഗുജറാത്തിനായി ചിന്തന്‍ ഗജയും റൂഷ് കലാരിയയും രണ്ട് വീതം വിക്കറ്റ് നേടി.
