രാജസ്ഥാൻ റോയൽസ് ക്യാപ്റ്റൻ സഞ്ജു സാംസണെ പ്രശംസിച്ച് മുൻ ഇന്ത്യൻ പേസർ ഇർഫാൻ പഠാൻ. ഐ പി എൽ പ്ലേ ഓഫ് ഉറപ്പിക്കുന്നതിന് അടുത്ത് എത്തിയിരിക്കുന്ന രാജസ്ഥാന്റെ കുതിപ്പിന് പിറകിൽ സഞ്ജുവിന്റെ മികവ് ഉണ്ടെന്ന് ഇർഫാൻ പറയുന്നു. ഐ പി എല്ലിൽ യുവ ക്യാപ്റ്റന്മാരിൽ മികച്ച ക്യാപ്റ്റൻ ആണ് സഞ്ജു സാംസൺ. ഇർഫാൻ ട്വിറ്ററിൽ പറഞ്ഞു. ഒരു സ്കോർ ഡിഫൻഡ് ചെയ്യുമ്പോൾ ആണ് ക്യാപ്റ്റന്റെ മികവ് കൂടുതൽ കാണുന്നതും ആവശ്യമുള്ളതും. രാജസ്ഥാൻ സ്കോർ സ്ഥിരമായി ഡിഫൻഡ് ചെയ്ത് വിജയിക്കുന്നുണ്ട്. ഇർഫാൻ പറഞ്ഞു.
Sanju Samson has been one of the best young captain of this season so far. Defending total is when the captain’s role comes in to play lot more, Rajasthan royals has done this regularly 👏
— Irfan Pathan (@IrfanPathan) May 16, 2022
ഈ സീസണിൽ ആദ്യം ബാറ്റ് ചെയ്ത ടീമുകൾ അധികവും പരാജയപ്പെട്ടപ്പോൾ സഞ്ജുവിന്റെ ടീം അങ്ങനെ പതറിയില്ല. ഏഴ് വിജയങ്ങളാണ് അവർ സ്കോർ ഡിഫൻഡ് ചെയ്ത് കൊണ്ട് നേടിയത്. ഇന്നലെയും രാജസ്ഥാൻ സ്കോർ ഡിഫൻഡ് ചെയ്ത് കൊണ്ടായിരുന്നു വിജയിച്ചത്. സഞ്ജു ബാറ്റിംഗിൽ വലിയ പ്രകടനങ്ങൾ ഈ സീസണിൽ കാണിച്ചില്ല എങ്കിലും സഞ്ജുവിന്റെ ക്യാപ്റ്റൻസിൽ ഏറെ പ്രശംസ നേടുന്നുണ്ട്.
