ഇന്ത്യയ്ക്കായി ഏകദിന അരങ്ങേറ്റം നടത്തി ഋഷഭ് പന്ത്. ഇന്നലെ പ്രഖ്യാപിച്ച 12 അംഗ ടീമില്‍ നിന്ന് കുല്‍ദീപ് യാദവ് പുറത്ത് പോകുമ്പോള്‍ ഖലീല്‍ അഹമ്മദിനു ടീമില്‍ ഇടം നല്‍കിയാണ് ഇന്ത്യ ഇന്ന് പ്രഖ്യാപിച്ചിരിക്കുന്നത്. ഇന്ത്യന്‍ നായകന്‍ വിരാട് കോഹ്‍ലി ടോസ് നേടി ബൗളിംഗ് തിരഞ്ഞെടുക്കുകയായിരുന്നു. അതേ സമയം വിന്‍ഡീസിനായി രണ്ട് താരങ്ങള്‍ അരങ്ങേറ്റം നടത്തുന്നുണ്ട്. ഒഷെയ്ന്‍ തോമസും ചന്ദ്രപോള്‍ ഹേംരാജുമാണ് വിന്‍ഡീസിനായി അരങ്ങേറ്റം കുറിക്കുന്നത്. ഹേംരാജ് ടീമിനായി ഓപ്പണ്‍ ചെയ്യുമെന്നും ജേസണ്‍ ഹോള്‍ഡര്‍ അറിയിച്ചു.
എംഎസ് ധോണിയില്‍ നിന്നാണ് ഋഷഭ് പന്ത് തന്റെ ഏകദിന ക്യാപ് സ്വീകരിച്ചത്.
വിന്‍ഡീസ്: ചന്ദ്രപോള്‍ ഹേംരാജ്, കീറന്‍ പവല്‍, ഷായി ഹോപ്, ഷിമ്രണ്‍ ഹെറ്റ്മ്യര്‍, മര്‍ലന്‍ സാമുവല്‍സ്, റോവ്മന്‍ പവല്‍, ജേസണ്‍ ഹോള്‍ഡര്‍, ആഷ്‍ലി നഴ്സ്, ദേവേന്ദ്ര ബിഷൂ, കെമര്‍ റോച്ച്, ഒഷെയ്ന്‍ തോമസ്
ഇന്ത്യ: ശിഖര്‍ ധവാന്‍, രോഹിത് ശര്‍മ്മ, വിരാട് കോഹ്‍ലി, അമ്പാട്ടി റായിഡു, ഋഷഭ് പന്ത്, എംഎസ് ധോണി, രവീന്ദ്ര ജഡേജ, യൂസുവേന്ദ്ര ചഹാല്‍, ഉമേഷ് യാദവ്, മുഹമ്മദ് ഷമി, ഖലീല്‍ അഹമ്മദ്
