സൂപ്പര് 4ലേക്ക് കടന്ന ഇന്ത്യയ്ക്ക് ഏഷ്യ കപ്പിൽ ഇനി ജഡേജയുടെ സേവനം ലഭിയ്ക്കില്ല. മുട്ടിനേറ്റ പരിക്ക് കാരണം ആണ് വില്ലനായിരിക്കുന്നത്. പാക്കിസ്ഥാനെതിരായ മത്സരത്തിൽ നിര്ണ്ണായകമായ ബാറ്റിംഗ് പ്രകടനം ആണ് ജഡേജ പുറത്തെടുത്തത്. 35 റൺസാണ് മത്സരത്തിൽ താരം 29 പന്തിൽ നിന്ന് നേടിയത്.
ഹോങ്കോംഗിനെതിരെയുള്ള മത്സരത്തിൽ ബാറ്റിംഗിന് അവസരം ലഭിച്ചില്ലെങ്കിലും താരം തന്റെ നാലോവറിൽ 15 റൺസ് മാത്രം വിട്ട് നൽകി ഹോങ്കോംഗിന്റെ ടോപ് സ്കോറര് ആയ ബാബര് ഹയാതിന്റെ വിക്കറ്റ് നേടിയിരുന്നു.
പകരം അക്സര് പട്ടേലിനെ ഇന്ത്യ ഏഷ്യ കപ്പ് സ്ക്വാഡിൽ ഉള്പ്പെടുത്തിയിട്ടുണ്ട്.
