Mbappe vs Neymar; പി എസ് ജിയുടെ കഴിഞ്ഞ ദിവസം നടന്ന മോണ്ട്പിയെയുനായുള്ള മത്സരത്തിനിടയിൽ നെയ്മറും എമ്പപ്പെയും തമ്മിൽ ഒരു പെനാൾട്ടിക്ക് വേണ്ടി സംസാരം ഉണ്ടായിരുന്നു. ആദ്യം ലഭിച്ച പെനാൾട്ടി എമ്പപ്പെ നഷ്ടപ്പെടുത്തിയതിനാൽ രണ്ടാമത് പെനാൾട്ടി ലഭിച്ചപ്പോൾ നെയ്മർ പന്ത് എടുത്തു. എമ്പപ്പെ നെയ്മറിനോട് താൻ പെനാൾട്ടി അടിക്കാം എന്ന് പറഞ്ഞു സംസാരിച്ചു എങ്കിലും നെയ്മർ പന്ത് കൊണ്ടുക്കാൻ തയ്യാറായിരുന്നില്ല. പെനാൾട്ടി എടുത്ത നെയ്മർ ഗോൾ നേടുകയും ചെയ്തു.
ഈ പെനാൾട്ടിയെ ചൊല്ലി ഡ്രസിംഗ് റൂമിൽ എമ്പപ്പെയും നെയ്മറും തമ്മിൽ തർക്കമുണ്ടായതായി ഫ്രഞ്ച് മാധ്യമങ്ങൾ റിപ്പോർട്ട് ചെയ്യുന്നു. എന്നാൽ ഒരു പെനാൾട്ടി മാത്രമല്ല പി എസ് ജിയിലെ പ്രശ്നം. ഇന്നലെ മത്സര ശേഷം എമ്പപ്പെയെ കുറ്റം പറഞ്ഞ് നെയ്മറിന്റെ ആരാധകർ ഇട്ട ട്വീറ്റുകൾ നെയ്മർ ലൈക് ചെയ്തിരുന്നു. എമ്പപ്പെ പി എസ് ജി തന്റെ ക്ലബ് ആണെന്ന് കരുതുകയാണെന്ന് ആയിരുന്നു ഈ ട്വീറ്റുകളുടെ ഉള്ളടക്കം.
പി എസ് ജി എമ്പപ്പെയ്ക്ക് പുതിയ കരാർ നൽകിയപ്പോൾ താരത്തിന് ക്ലബ് എടുക്കുന്ന തീരുമാനങ്ങളിൽ സ്വാധീനം ഉണ്ടാകും എന്ന് ക്ലബ് ഉറപ്പ് കൊടുത്തിരുന്നു. ഇത് കൊണ്ട് തന്നെ എമ്പപ്പെ മറ്റു താരങ്ങളെക്കാൾ താൻ വലുതാണെന്ന് കരുതുന്നു. ഈ സമീപനമാണ് പി എസ് ജി ഡ്രസിങ് റൂമിൽ പ്രശ്നങ്ങൾ ഉണ്ടാക്കുന്നത്‌.
പി എസ് ജിയോട് എമ്പപ്പെ നെയ്മറിനെ വിൽക്കാൻ ആവശ്യപ്പെട്ടിരുന്നു എന്ന് നെയ്മർ കണ്ടെത്തിയത് ആണ് നെയ്മറും എമ്പപ്പെയും തമ്മിലുള്ള പ്രശ്നത്തിന് കാരണം. സൂപ്പർ താരങ്ങൾ തമ്മിലുള്ള പ്രശ്നം പി എസ് ജി ക്ലബിനു തന്നെ പ്രശ്നമായി മാറുക ആണെന്ന് ഫ്രഞ്ച് മാധ്യമങ്ങൾ പറയുന്നു.
Story Highlight: Neymar and Mbappe, PSG have
a new problem
