ഇന്ത്യയെ ഏകദിനങ്ങളില്‍ നയിച്ച ഏറ്റവും പ്രായമേറിയ നായകനെന്ന ബഹുമതി ഇനി ധോണിയ്ക്ക് സ്വന്തം. ഏഷ്യ കപ്പ് സൂപ്പര്‍ ഫോറില്‍ ഇന്ത്യ അഫ്ഗാനിസ്ഥാനെതിരെ മുന്‍ നിര താരങ്ങള്‍ക്ക് വിശ്രമം നല്‍കുവാന്‍ തീരുമാനിച്ചതോടെയാണ് ഈ നേട്ടം എംഎസ് ധോണി സ്വന്തമാക്കുന്നത്. 37 വയസ്സും 80 ദിവസവും പ്രായമുള്ള ധോണി ഇന്ത്യയെ നയിക്കുന്ന 200 ാമത്തെ മത്സരം കൂടിയാണ് ഇന്നത്തേത്.
36 വയസ്സും 124 ദിവസവും പ്രായമുള്ളപ്പോള്‍ ന്യൂസിലാണ്ടിനെതിരെ 1999ല്‍ ഇന്ത്യയെ നയിക്കുക വഴി മുഹമ്മദ് അസ്ഹറുദ്ദീന്റെ പേരിലായിരുന്നു ഈ നേട്ടം ഇതുവരെ കുറിക്കപ്പെട്ടിരുന്നത്.
