ഏഷ്യന്‍ കപ്പ് ടേബിള്‍ ടെന്നീസ് സെമി ഫൈനലില്‍ എത്തി മണിക ബത്ര. ആദ്യ റൗണ്ടിൽ ലോക റാങ്കിംഗിൽ ഏഴാം സ്ഥാനത്തുള്ള ചൈനയുടെ ചെന്‍ സിംഗ്ടോംഗിനെ വീഴ്ത്തിയ മണിക ക്വാര്‍ട്ടറിൽ 4-3 എന്ന സ്കോറിന് തായ്വാന്റെ ചെന്‍ സു-യുവിനെ വീഴ്ത്തിയാണ് സെമിയിലെത്തുന്നത്. ലോക റാങ്കിംഗിൽ 44ാം സ്ഥാനത്താണ് മണിക.
ഏഷ്യന്‍ കപ്പ് ചരിത്രത്തിൽ തന്നെ സെമി ഫൈനലിലെത്തുന്ന ആദ്യ ഇന്ത്യന്‍ വനിത താരം ആണ് മണിക. ഇതിനു മുമ്പ് പുരുഷ വിഭാഗത്തിൽ ചേതന്‍ ബബൂര്‍ സെമി ഫൈനലില്‍ എത്തിയിട്ടുണ്ട്.
