342 റൺസിന് കേരളം ഓള്‍ഔട്ട്, സച്ചിന്‍ ബേബി 141 റൺസ്, ജലജ് സക്സേനയ്ക്ക് 57 റൺസ്

Sachinbaby

കര്‍ണ്ണാടകയ്ക്കെതിരെ രഞ്ജി ട്രോഫിയിൽ 342 റൺസ് നേടി കേരളം. ഇന്ന് രണ്ടാം ദിവസം സച്ചിന്‍ ബേബിയുടെയും ജലജ് സക്സേനയുടെയും ബാറ്റിംഗ് മികവിനൊപ്പം സിജോമോനും പൊരുതി നിന്നാണ് കേരളത്തിനെ ഇന്ന് 342 റൺസിലേക്ക് എത്തിച്ചത്.

സച്ചിന്‍ ബേബി 141 റൺസ് നേടിയപ്പോള്‍ ജലജ് സക്സേന 57 റൺസ് നേടി പുറത്തായി. വത്സൽ ഗോവിന്ദാണ്(46) ഒന്നാം ദിവസം തിളങ്ങിയ താരം. സിജോമോന്‍ ജോസഫ് 24 റൺസ് നേടി.

കര്‍ണ്ണാടകയ്ക്കായി വാസുകി കൗശിക് ആറ് വിക്കറ്റുമായി ബൗളിംഗിൽ തിളങ്ങി.