ഒളിമ്പിക് ചാമ്പ്യന്മാരായ ബെൽജിയത്തെ വീഴ്ത്തി FIH പ്രൊ ലീഗിൽ വിജയം നേടി ഇന്ത്യ. 58ാം മിനുട്ടിൽ സമനില ഗോള് നേടിയ ഇന്ത്യ നിശ്ചിത സമയത്ത് തോല്വിയിൽ നിന്ന് രക്ഷപ്പെട്ട ശേഷം ഷൂട്ടൗട്ടിൽ 5-4 എന്ന സ്കോറിന് വിജയിക്കുകയായിരുന്നു.
നിശ്ചിത സമയത്ത് ഇന്ത്യ 3-3ന് ഒപ്പമെത്തുകയായിരുന്നു. ആദ്യ പകുതിയിൽ ഇരു ടീമുകളും ഓരോ ഗോള് വീതം നേടിയപ്പോള് രണ്ടാം പകുതിയിൽ ഇന്ത്യ 1-3ന് പിന്നിൽ പോയി. 17ാം മിനുട്ടിൽ ഇന്ത്യ ഷംഷേര് സിംഗിലൂടെ മുന്നിലെത്തിയെങ്കിലും സെഡ്രിക് ചാര്ലിയര് ബെൽജിയത്തിന്റെ സമനില ഗോള് കണ്ടെത്തി.
സൈമണും നിക്കോളസും നേടിയ ഗോളുകള് ബെൽജിയത്തെ മുന്നിലെത്തിച്ചപ്പോള് ഹര്മ്മന്പ്രീത് സിംഗ് ഇന്ത്യയുടെ രണ്ടാം ഗോള് നേടി. 58ാം മിനുട്ടിൽ ജര്മ്മന്പ്രീത് സിംഗ് ആണ് ഇന്ത്യയുടെ സമനില ഗോള് നേടിയത്. ഷൂട്ടൗട്ടിൽ ഇന്ത്യന് താരങ്ങളെല്ലാം ഗോള് നേടി.
അതേ സമയം ഇന്ത്യന് വനിതകള് ഇന്ന് ബെല്ജിയത്തോട് 1-2 എന്ന സ്കോറിന് അടിയറവ് പറയുകയായിരുന്നു.
