യൂറോപ്യൻ ക്ലബ് അസോസിയേഷനിൽ നിന്ന് പിൻമാറി ചെൽസിയും മാഞ്ചസ്റ്റർ യുണൈറ്റഡും

- Advertisement -

യൂറോപ്പിൽ പുതുതായി രൂപം കൊണ്ട യൂറോപ്യൻ സൂപ്പർ ലീഗിൽ ചേരുമെന്ന് അറിയിച്ചതിന് പിന്നാലെ യൂറോപ്യൻ ക്ലബ് അസോസിയേഷനിൽ നിന്ന് പിന്മാറി പ്രീമിയർ ലീഗ് ടീമുകളായ ചെൽസിയും മാഞ്ചസ്റ്റർ യുനൈറ്റഡും. സൂപ്പർ ലീഗിൽ ചേരുന്നതിന്റെ ഭാഗമായാണ് ക്ലബ്ബുകൾ യൂറോപ്യൻ ക്ലബ് അസോസിയേഷനുകളിൽ നിന്ന് പിന്മാറിയത്.

കൂടാതെ മാഞ്ചസ്റ്റർ യുണൈറ്റഡ് വൈസ് ചെയർമാൻ എഡ് വുഡ്‌വാർഡ് യുവേഫയിൽ തനിക്കുള്ള സ്ഥാനങ്ങളും ഒഴിഞ്ഞിട്ടുണ്ട്. നേരത്തെ ചാമ്പ്യൻസ് ലീഗിനെ 36 ടീമുകൾ ഉള്ള ഒരു ടൂർണമെന്റായി മാറ്റാനുള്ള യുവേഫയുടെ രൂപരേഖക്ക് മുൻപിൽ നിന്ന ആളാണ് എഡ് വുഡ്‌വാർഡ്.

കഴിഞ്ഞ ദിവസമാണ് യൂറോപ്പിലെ 12 വമ്പൻ ക്ലബ്ബുകൾ ഒരുമിച്ച് സൂപ്പർ ലീഗ് തുടങ്ങുന്ന കാര്യം പുറത്തുവിട്ടത്. പ്രീമിയർ ലീഗിൽ നിന്ന് 6 ടീമുകളാണ് യൂറോപ്യൻ സൂപ്പർ ലീഗിൽ പങ്കെടുക്കുമെന്ന് അറിയിച്ചത്.

Advertisement