കോഹ്‍ലിയെ വിലകുറച്ച് കാണരുത് – സഖ്‍ലൈന്‍ മുഷ്താഖ്

ഇന്ത്യയും പാക്കിസ്ഥാനും തമ്മിലുള്ള സൂപ്പര്‍ പോരാട്ടം നാളെ ഏഷ്യ കപ്പിൽ നടക്കുവാനിരിക്കവേ പാക്കിസ്ഥാന് മുന്നറിയിപ്പുമായി മുന്‍ പാക്കിസ്ഥാന്‍ താരവും നിലവിൽ ടീമിന്റെ മുഖ്യ കോച്ചുമായ സഖ്‍ലൈന്‍ മുഷ്താഖ്. ഫോമിൽ അല്ലെങ്കിലും വിരാട് കോഹ്‍ലിയെ വിലകുറിച്ച് കാണരുതെന്നാണ് അദ്ദേഹം തന്റെ ടീമംഗങ്ങളോട് ആവശ്യപ്പെട്ടത്.

ക്രിക്കറ്റിംഗ് ലോകത്തെ 12-15 വര്‍ഷത്തോളം ഭരിച്ച വ്യക്തിയാണ് വിരാട് കോഹ്‍ലിയെന്നും താരത്തെ ഒരിക്കലും വിലകുറച്ച് കാണരുതെന്നും പാക് താരങ്ങള്‍ക്ക് സഖ്‍ലൈന്‍ മുന്നറിയിപ്പ് നൽകി.

2021 ടി20 ലോകകപ്പിൽ ഇന്ത്യയും പാക്കിസ്ഥാനും ഏറ്റുമുട്ടിയപ്പോള്‍ പത്ത് വിക്കറ്റ് വിജയം ആണ് പാക്കിസ്ഥാന്‍ നേടിയത്.