തുടര്‍ച്ചയായ മഴ തടസ്സങ്ങള്‍ നേരിട്ട ആദ്യ ദിവസത്തെ കളി അവസാനിക്കുമ്പോള്‍ മികച്ച തുടക്കം ലഭിച്ച് പാക്കിസ്ഥാന്‍. ആദ്യ രണ്ട് വിക്കറ്റുകള്‍ വേഗത്തില്‍ നഷ്ടമായെങ്കിലും മൂന്നാം വിക്കറ്റ് കൂട്ടുകെട്ടിന്റെ ബലത്തില്‍ പാക്കിസ്ഥാന്‍ ഒന്നാം ദിവസം നേരത്തെ അവസാനിക്കുമ്പോള്‍ 139/2 എന്ന നിലയിലാണ്.
49 ഓവറുകള്‍ മാത്രമാണ് ആദ്യ ദിവസം എറിയുവാനായത്. 96 റണ്‍സ് കൂട്ടുകെട്ടാണ് മൂന്നാം വിക്കറ്റില്‍ ഇവര്‍ നേടിയത്. 46 റണ്‍സുമായി ഷാന്‍ മക്സൂദും 69 റണ്‍സ് നേടി ബാബര്‍ അസമുമാണ് ക്രീസിലുള്ളത്. 43/2 എന്ന നിലയിലാണ് ഈ കൂട്ടുകെട്ട് തങ്ങളുടെ ബാറ്റിംഗ് ആരംഭിക്കുന്നത്.
ഇംഗ്ലണ്ടിനായി ക്രിസ് വോക്സും ജോഫ്ര ആര്‍ച്ചറുമാണ് ഓരോ വിക്കറ്റ് നേടിയത്.
