ബോക്സിങ് ഡേ ടെസ്റ്റിന്റെ രണ്ടാം ദിവസം കളി ആവസാനിക്കുമ്പോൾ ഓസ്‌ട്രേലിയൻ ആധിപത്യം. ആദ്യ ഇന്നങ്സിൽ 467 റൺസിന് ഓൾഔട്ടായ ഓസ്ട്രലിയ 44 റൺസ് എടുക്കുന്നതിനിടെ രണ്ട് ന്യൂസിലാൻഡ് വിക്കറ്റുകൾ വീഴ്ത്തി മത്സരത്തിൽ ഡ്രൈവിംഗ് സീറ്റിലാണ്. നിലവിൽ ഓസ്ട്രേലിയയെക്കാൾ 423 റൺസ് പിറകിലാണ് ന്യൂസിലാൻഡ്.
15 റൺസ് എടുത്ത ബ്ലണ്ടൽ കമ്മിൻസിന് വിക്കറ്റ് നൽകി മടങ്ങിയപ്പോൾ 9 റൺസ് എടുത്ത ക്യാപ്റ്റൻ വില്യംസണിന്റെ വിക്കറ്റ് പാറ്റിൻസൺ വീഴ്ത്തുകയായിരുന്നു.
നേരത്തെ 114 റൺസ് നേടിയ ട്രാവിസ് ഹെഡിന്റെയും 85 റൺസ് എടുത്ത സ്റ്റീവ് സ്മിത്തിന്റേയും 79 റൺസ് എടുത്ത ടിം പെയ്‌നിന്റെയും ബാറ്റിംഗ് മികവിലാണ് ഓസ്ട്രേലിയ ആദ്യ ഇന്നിങ്സിൽ 467 റൺസ് എടുത്തത്. ന്യൂസിലാൻഡിന് വേണ്ടി വാഗ്നർ നാല് വിക്കറ്റും സൗത്തീ മൂന്ന് വിക്കറ്റും വീഴ്ത്തി.
