അരീക്കോട് അഖിലേന്ത്യാ സെവൻസിൽ ഫിറ്റ്വെൽ കോഴിക്കോടിന് അട്ടിമറി വിജയം. ഇന്ന് അരീക്കോട് സെവൻസിന്റെ രണ്ടാം ദിവസം നടന്ന മത്സരത്തിൽ അൽ മദീന ചെർപ്പുളശ്ശേരിയെ ആണ് ഫിറ്റ്വെൽ കോഴിക്കോട് പരാജയപ്പെടുത്തിയത്. പെനാൾട്ടി ഷൂട്ടൗട്ട് വരെ ഇന്നത്തെ മത്സരം നീണ്ടു നിന്നു. നിശ്ചിത സമയത്ത് ഇരു ടീമുകളും ഗോൾ രഹിതമായാണ് നിന്നത്. അവസാനം പെനാൾട്ടി ഷൂട്ടൗട്ടിൽ 5-4നാണ് ഫിറ്റ്വെൽ കോഴിക്കോട് വിജയിച്ചത്. അൽ മദീനയുടെ അഖിലേന്ത്യാ സീസണിലെ ആദ്യ പരജയമാണിത്.
നാളെ അരീക്കോട് സെവൻസിൽ മെഡിഗാഡ് അരീക്കോട് ജവഹർ മാവൂരിനെ നേരിടും.
