ഈ ക്രിക്കറ്റ് ലോകകപ്പിൽ തന്നെ വിരാട് കോഹ്ലിയെ ഡെത്ത് ഓവറിൽ പന്തെറിയിപ്പിക്കാം ഇന്ത്യ ആലോചിക്കുന്നുണ്ട് എന്ന് ഇന്ത്യൻ ബൗളിംഗ് കോച്ച് പരാസ് മാംബ്രെ. നെതർലന്റ്സിനെതിരെ ബൗൾ ചെയ്ത കോഹ്ലി ഒരു വിക്കറ്റ് നേടിയിരുന്നു. ആ വിക്കറ്റിനെ ബൗളിംഗ് കോച്ച് പ്രശംസിച്ചു.
“വിരാടിന്റെ വിക്കറ്റ് കാണാൻ നല്ല രസമായിരുന്നു. അവൻ ഫൈൻ ലെഗ് അൽപ്പം അഡ്ജസ്റ്റ് ചെയ്യുന്നത് എനിക്ക് കാണാമായിരുന്നു, താൻ എവിടേക്കാണ് ബൗൾ ചെയ്യാൻ പോകുന്നത് എന്ന് കെ എൽ രാഹുലിന് അദ്ദേഹം സൂചന നൽകി. വിരാടിനെ എങ്ങനെ ഉപയോഗിക്കാം എന്നതിനെക്കുറിച്ച് ഞാൻ രോഹിതുമായി സംസാരിച്ചു. പുതിയ പന്ത് ഉപയോഗിച്ച്, അദ്ദേഹം പന്ത് സ്വിംഗ് ചെയ്യും പവർപ്ലേയിൽ അത് ഉപയോഗിക്കാം.” മാംബ്രെ പറഞ്ഞു.
ഡെത്ത് ഓവറുകളിൽ പന്തെറിയാൻ മാനേജ്‌മെന്റ് കോഹ്ലിയെ പ്രേരിപ്പിക്കുമെന്നും അദ്ദേഹം പറഞ്ഞു. കോഹ്ലി നല്ല രീതിയിൽ യോർക്കറുകൾ എറിയും. അതുകൊണ്ട് തന്നെ കോഹ്ലിക്ക് അവസാനം പന്തെറിയാൻ ആകും. അദ്ദേഹം കൂട്ടിച്ചേർത്തു.
