ഇന്ത്യയുടെ പാക്കിസ്ഥാനോടേറ്റ പരാജയം കനത്ത തോല്‍വിയെന്ന് വിശേഷിപ്പിച്ച് സുനിൽ ഗവാസ്കര്‍. അബസല്യൂട്ട് ഹാമ്മറിംഗ് എന്നാണ് സുനിൽ ഗവാസ്കര്‍ ഈ പരാജയത്തെ വിശേഷിപ്പിച്ചത്. 10 വിക്കറ്റ് വിജയം ആണ് പാക്കിസ്ഥാന്‍ ഇന്നലെ മത്സരത്തിൽ സ്വന്തമാക്കിയത്.
വലിയ തോല്‍വിയെന്നല്ല നാണംകെട്ട തോല്‍വിയെന്ന് വേണം ടീമിന്റെ ഈ പരാജയത്തെ വിശേഷിപ്പിക്കുവാനെന്നാണ് സുനിൽ ഗവാസ്കര്‍ പറഞ്ഞത്. ഇന്ത്യ ഈ തോല്‍വിയിൽ നിന്ന് പാഠം ഉള്‍ക്കൊണ്ട് ടൂര്‍ണ്ണമെന്റിൽ ശക്തമായ തിരിച്ചുവരവ് നടത്തുമെന്നാണ് താന്‍ പ്രതീക്ഷിക്കുന്നതെന്ന് ഗവാസ്കര്‍ വ്യക്തമാക്കി.
