ഇംഗ്ലണ്ടിലും വെയ്ൽസിലുമായി നടക്കുന്ന ലോകകപ്പ് ക്രിക്കറ്റിനുള്ള ഔദ്യോഗിക ഗാനം പുറത്തിറക്കി ഐ.സി.സി. “സ്റ്റാൻഡ് ബൈ” എന്ന് പേരിട്ടിരിക്കുന്ന ഗാനമാണ് ഐ.സി.സി പുറത്തുവിട്ടത്. ഇംഗ്ലണ്ടിലെ പ്രമുഖ ബാൻഡ് ആയ റൂഡിമെന്റലിന്റെ സഹകരണത്തോടെ ലോറിൻ ആണ് ഗാനം അണിയിച്ച് ഒരുക്കിയിരിക്കുന്നത്.
മെയ് 30 മുതൽ ജൂലൈ 14വരെയാണ് ഇംഗ്ലണ്ടിലും വെയ്ൽസിലും നടക്കുന്ന ലോകകപ്പ്. ഇതുവരെ ലോകകപ്പ് കിരീടം നേടാൻ കഴിയാതിരുന്ന ആതിഥേയരായ ഇംഗ്ലണ്ടിനാണ് ഈ ലോകകപ്പിൽ ഏറ്റവും കൂടുതൽ സാധ്യത കൽപ്പിക്കപ്പെടുന്നത്. മെയ് 30ന് ഇംഗ്ലണ്ടും ഓസ്ട്രേലിയയും തമ്മിലാണ് ലോകകപ്പിലെ ആദ്യ മത്സരം.
