ബംഗ്ലാദേശിനെതിരെയുള്ള മത്സരത്തിനിടെ പേശിവലിവ് മൂലം പരിക്കേറ്റ ലുംഗിസാനി ഗിഡി ഇന്ത്യയ്ക്കെതിരെ കളിയ്ക്കില്ലെന്ന് അറിയിച്ച് ദക്ഷിണാഫ്രിക്ക. കുറഞ്ഞത് പത്ത് ദിവസമെങ്കിലും താരം കളത്തിനു പുറത്ത് നില്‍ക്കേണ്ടി വരുമെന്നാണ് അറിയുന്നത്. ഇതോടെ ആദ്യ രണ്ട് മത്സരങ്ങളും തോറ്റ ദക്ഷിണാഫ്രിക്കയ്ക്ക് കനത്ത തിരിച്ചടിയാണ് നേരിട്ടത്.
നേരത്തെ 23 വയസ്സുകാരന്‍ താരം കാല്‍മുട്ടിന്റെ പരിക്ക് മൂലം ഐപിഎലില്‍ കളിച്ചിരുന്നില്ല. ജൂണ്‍ 5നു ഇന്ത്യയ്ക്കെതിരെയുള്ള മത്സരത്തില്‍ താരം ഉണ്ടാകില്ലെന്നാണ് അറിയുന്നത്. ജൂണ്‍ 10നു വിന്‍ഡീസിനെതിരെയുള്ള മത്സരത്തിലും ദക്ഷിണാഫ്രിക്കയ്ക്ക് താരത്തിന്റെ സേവനം ലഭ്യമാകുമോ എന്നത് കാത്തിരുന്ന് അറിയേണ്ട കാര്യമാണ്.
