ലോകകപ്പില്‍ ഒരു മത്സരത്തില്‍ തന്നെ 50 റണ്‍സിലധകവും അഞ്ച് വിക്കറ്റും നേടുന്ന രണ്ടാമത്തെ താരമായി ഷാക്കിബ്, ഒന്നാമന്‍ യുവരാജ് സിംഗ്

ലോകകപ്പില്‍ ഒരേ മത്സരത്തില്‍ 50ലധികം റണ്‍സും 5 വിക്കറ്റും നേടുന്ന രണ്ടാമത്തെ താരമായി ബംഗ്ലാദേശിന്റെ ഷാക്കിബ് അല്‍ ഹസന്‍. ഇന്ന് അഫ്ഗാനിസ്ഥാനെതിരെ 51 റണ്‍സും 5 വിക്കറ്റും നേടിയാണ് ഈ ചരിത്ര നേട്ടം ബംഗ്ലാദേശ് താരം നേടിയത്. 2011ല്‍ അയര്‍ലണ്ടിനെതിരെ ഇതേ നേട്ടം ആവര്‍ത്തിച്ച യുവരാജ് സിംഗിനൊപ്പമാണ് ഷാക്കിബ് ഇപ്പോള്‍ എത്തിയിരിക്കുന്നത്.

ഈ നേട്ടം സ്വന്തമാക്കിയ രണ്ട് താരങ്ങളും ഇടംങ്കൈയ്യന്‍ സ്പിന്നര്‍മാരാണെന്നതാണ് മറ്റൊരു പ്രത്യേകത.