റസ്സല്‍ ഇംഗ്ലണ്ടിനെതിരെ കളിയ്ക്കുമോ എന്നത് ഏതാനും ദിവസങ്ങള്‍ക്കകം മാത്രമേ വ്യക്തമാകുകയുള്ളു

ഇംഗ്ലണ്ടിനെതിരെ വിന്‍ഡീസ് നിരയില്‍ സൂപ്പര്‍ താരം ആന്‍ഡ്രേ റസ്സല്‍ ഉണ്ടാകുമോ എന്നതില്‍ വ്യക്തമായ ഉത്തരം നല്‍കാതെ നായകന്‍ ജേസണ്‍ ഹോള്‍ഡര്‍. ഇന്ന് ദക്ഷിണാഫ്രിക്കയ്ക്കെതിരെ ടീമില്‍ റസ്സല്‍ ഇല്ലായിരുന്നു. കഴിഞ്ഞ മത്സരത്തില്‍ പരിക്ക് അലട്ടിയ താരം ഇന്ന് പൂര്‍ണ്ണമായി മത്സരത്തിന് ഫിറ്റല്ലാതിരുന്നതിനാലാണ് കളിപ്പിക്കാതിരുന്നത്.

അതേ സമയം വരുന്ന രണ്ട് മൂന്ന് ദിവസത്തിനുള്ളില്‍ റസ്സലിന്റെ ആരോഗ്യ നില ഭേദപ്പെടുമെന്നാണ് താന്‍ പ്രതീക്ഷിക്കുന്നതെന്ന് ജേസണ്‍ ഹോള്‍ഡര്‍ പറഞ്ഞു. ഇംഗ്ലണ്ടിനെതിരെ ഏറെ നിര്‍ണ്ണായകമായ മത്സരമാണെന്നും റസ്സലിന്റെ സാന്നിദ്ധ്യം ടീമിനെ കരുത്തനാക്കുമെന്നും ഹോള്‍ഡര്‍ പറഞ്ഞു.