തുടക്കത്ത്ിലെ തകര്‍ച്ചയ്ക്ക് ശേഷം ന്യൂസിലാണ്ടിനെ തിരികെ മത്സരത്തിലേക്ക് കൊണ്ടുവരുവാനുള്ള ചുമതല കെയിന്‍ വില്യംസണും റോസ് ടെയിലറും നിര്‍വഹിക്കുന്നതിനിടെ ന്യൂസിലാണ്ടിന് വിനയായി റണ്ണൗട്ടുകള്‍. കെയിന്‍ വില്യംസണും(27), റോസ് ടെയിലറും(28) റണ്ണൗട്ട് രൂപത്തില്‍ പുറത്തായ ശേഷം ടോം ലാഥം അര്‍ദ്ധ ശതകം നേടിയെങ്കിലും ഇംഗ്ലണ്ടിന്റെ വലിയ വിജയം തടയുവാന്‍ ന്യൂസിലാണ്ടിനായില്ല. ജയത്തോടെ ഇംഗ്ലണ്ട് സെമി സ്ഥാനം ഉറപ്പാക്കി. എഡ്ജ്ബാസ്റ്റണില്‍ ഇന്ത്യ ഇംഗ്ലണ്ടിന്റെ എതിരാളികളാകുവാനുള്ള സാധ്യത ഏറെയാണ്.
45 ഓവറില്‍ ന്യൂസിലാണ്ട് 186 റണ്‍സിന് ഓള്‍ഔട്ട് ആയപ്പോള്‍ 119 റണ്‍സിന്റെ വിജയമാണ് ഇംഗ്ലണ്ട് കരസ്ഥമാക്കിയത്. ഇംഗ്ലണ്ടിനായി മാര്‍ക്ക് വുഡ് 3 വിക്കറ്റ് നേടിയപ്പോള്‍ ലിയാം പ്ലങ്കറ്റ്, ആദില്‍ റഷീദ്, ക്രിസ് വോക്സ്, ജോഫ്ര ആര്‍ച്ചര്‍ എന്നിവരും ഓരോ വിക്കറ്റ് നേടി. 57 റണ്‍സ് നേടിയ ടോം ലാഥം ആണ് ന്യൂസിലാണ്ട് നിരയിലെ ടോപ് സ്കോറര്‍.
