മഴ മാറി നിന്നാല്‍ ലോകകപ്പിലെ തന്നെ ഏറ്റവും തീപാറുന്ന ബാറ്റിംഗ് പോരാട്ടത്തിനു സാക്ഷ്യം വഹിക്കാവുന്ന മത്സരമെന്ന് വിലയിരുത്തുന്ന ഇംഗ്ലണ്ട് വിന്‍ഡീസ് പോരാട്ടത്തില്‍ ടോസ് ഇംഗ്ലണ്ടിന്. ടോസ് നേടിയ ഇംഗ്ലണ്ട് നായകന്‍ ജോഫ്ര ആര്‍ച്ചര്‍ ബൗളിംഗ് തിരഞ്ഞെടുക്കുകയായിരുന്നു. ടൂര്‍ണ്ണമെന്റില്‍ 500 റണ്‍സ് കടക്കുകയാണെങ്കില്‍ അത് ഈ പറയുന്ന ടീമുകളില്‍ ഒന്നാകുമെന്നാണ് ഏവരും ഒരേ സ്വരത്തില്‍ പറയുന്നത്. ഇരു ടീമുകളിലും വമ്പന്‍ വെടിക്കെട്ട് താരങ്ങളാണുള്ളത്. ഇവര്‍ ഫോമായാല്‍ ഏകദിനത്തില്‍ ഒരിന്നിംഗ്സില്‍ 500 പിറക്കുന്ന മത്സരം കൂടിയായി ഇത് മാറും.
ഇംഗ്ലണ്ട് തങ്ങളുടെ ടീമില്‍ മാറ്റം ഒന്നും വരുത്താതിരുന്നപ്പോള്‍ വിന്‍ഡീസ് നിരയില്‍ മൂന്ന് മാറ്റമാണുള്ളത്. എവിന്‍ ലൂയിസും ആന്‍ഡ്രേ റസ്സലും മടങ്ങിയെത്തുമ്പോള്‍ ഷാനണ്‍ ഗബ്രിയേല്‍ തന്റെ ആദ്യ മത്സരത്തില്‍ കളിയ്ക്കുന്നു.
വിന്‍ഡീസ്: ക്രിസ് ഗെയില്‍, എവിന്‍ ലൂയിസ്, ഷായി ഹോപ്, ഷിമ്രണ്‍ ഹെറ്റ്മ്യര്‍, നിക്കോളസ് പൂരന്‍, ആന്‍ഡ്രേ റസ്സല്‍, കാര്‍ലോസ് ബ്രാത്‍വൈറ്റ്, ജേസണ്‍ ഹോള്‍ഡര്‍, ഷെല്‍ഡണ്‍ കോട്രെല്‍, ഒഷെയ്‍ന്‍ തോമസ്, ഷാനണ്‍ ഗബ്രിയേല്‍
ഇംഗ്ലണ്ട്: ജേസണ്‍ റോയ്, ജോണി ബൈര്‍സ്റ്റോ, ജോ റൂട്ട്, ഓയിന്‍ മോര്‍ഗന്‍, ജോസ് ബട‍്‍ലര്‍, ബെന്‍ സ്റ്റോക്സ്, ക്രിസ് വോക്സ്, ലിയാം പ്ലങ്കറ്റ്, ജോഫ്ര ആര്‍ച്ചര്‍, ആദില്‍ റഷീദ്, മാര്‍ക്ക് വുഡ്
