വിന്‍ഡീസിനെതിരെ ആദ്യ ടി20യില്‍ 84 റണ്‍സിന്റെ കൂറ്റന്‍ ജയം നേടിയപ്പോള്‍ ടി20യിലെ ഇന്ത്യയുടെ ഏറ്റവും വലിയ പാര്‍ട്ണര്‍ഷിപ്പാണ് ഓപ്പണിംഗ് കൂട്ടുകെട്ടായ സ്മൃതി മന്ഥാന-ഷെഫാലി വര്‍മ്മ കൂട്ടുകെട്ട് നേടിയത്. ഒന്നാം വിക്കറ്റില്‍ 143 റണ്‍സ് നേടിയ കൂട്ടുകെട്ട് ഇതിന് മുമ്പുള്ള റെക്കോര്‍ഡായ 130 റണ്‍സെന്ന ഇന്ത്യയുടെ റെക്കോര്‍ഡാണ് മറികടന്നത്. 2013ല്‍ ബംഗ്ലാദേശിനെതിരെ തിരുഷ് കാമിനി-പൂനം റൗട്ട് കൂട്ടുകെട്ടാണ് ഈ പ്രകടനം പുറത്തെടുത്തത്.
ടി20യില്‍ 14ാമത്തെ മികച്ച കൂട്ടുകെട്ടാണ് ഇന്ത്യന്‍ താരങ്ങള്‍ വിന്‍ഡീസിനെതിരെ സൃഷ്ടിച്ചത്. ആദ്യ വിക്കറ്റിലെ മികച്ച എട്ടാമത്തെ കൂട്ടുകെട്ടാണ് ഷെഫാലി-സ്മൃതി കൂട്ടുകെട്ട് നേടിയത്.
