മഴ കാരണം 17 ഓവറാക്കി ചുരുക്കിയ മത്സരത്തിൽ അയര്‍ലണ്ടിനെതിരെ വിജയം നേടി പാക്കിസ്ഥാന്. ഇന്ന് പാക്കിസ്ഥാന് വനിതകള്‍ക്കെതിരെ ആദ്യം ബാറ്റ് ചെയ്ത ടീം 118/7 എന്ന സ്കോറാണ് നേടിയത്. മറുപടി ബാറ്റിംഗിനിറങ്ങിയ പാക്കിസ്ഥാന് 4 വിക്കറ്റ് നഷ്ടത്തിൽ 16 ഓവറിൽ വിജയം കുറിച്ചു.
നിദ ദാര്‍ 28 റൺസുമായി പാക് നിരയിൽ തിളങ്ങിയെങ്കിലും താരവും ജവേരിയ ഖാനും(35) റണ്ണൗട്ടായത് ടീമിന് തിരിച്ചടിയായി. പിന്നീട് 12 പന്തിൽ 25 റൺസ് നേടിയ ഐഷ നസീമും 7 പന്തിൽ 11 റൺസ് നേടിയ ആലിയ റിയാസും തിളങ്ങി.
നേരത്തെ ആദ്യം ബാറ്റ് ചെയ്ത അയര്‍ലണ്ടിനായി ആമി ഹണ്ടര്‍ 36 റൺസും ഒര്‍ല പ്രെന്‍ഡെര്‍ഗാസ്റ്റ് 20 റൺസും നേടി. റെബേക്ക സ്റ്റോക്കൽ 12 പന്തിൽ 17 റൺസുമായി പുറത്താകാതെ നിന്നു.
