ടി20 പരമ്പരയിലെ അവസാനത്തെയും അഞ്ചാമത്തെയും മത്സരത്തിലും വിജയം ഓസ്ട്രേലിയയ്ക്കൊപ്പം. ഇതോടെ പരമ്പര 4-1ന് ഓസ്ട്രേലിയ സ്വന്തമാക്കി. അഞ്ചാം മത്സരത്തിൽ ആഷ്‍ലൈ ഗാര്‍ഡ്നര്‍(32 പന്തിൽ പുറത്താകാതെ 66 റൺസ്) ഗ്രേസ് ഹാരിസ്(35 പന്തിൽ പുറത്താകാതെ 64 റൺസ്) എന്നിവരുടെ ബാറ്റിംഗ് മികവിൽ ഓസ്ട്രേലിയ 196/4 എന്ന കൂറ്റന്‍ സ്കോറാണ് നേടിയത്.
മറുപടി ബാറ്റിംഗിനിറങ്ങിയ ഇന്ത്യ 142 റൺസിന് ഓള്‍ഔട്ട് ആയി. 34 പന്തിൽ 54 റൺസ് നേടിയ ദീപ്തി ശര്‍മ്മ മാത്രമാണ് ഇന്ത്യന്‍ നിരയിൽ തിളങ്ങിയത്. ഓസ്ട്രേലിയയ്ക്കായി ഹീത്തര്‍ ഗ്രഹാം 4 വിക്കറ്റും ഗാര്‍ഡ്നര്‍ രണ്ട് വിക്കറ്റും നേടി. 54 റൺസിന്റെ കൂറ്റന്‍ ജയം ആണ് ഓസ്ട്രേലിയ നേടിയത്.
