അന്താരാഷ്ട്ര ക്രിക്കറ്റിൽ നിന്നുള്ള തന്റെ വിരമിക്കൽ തീരുമാനം പ്രഖ്യാപിച്ച് ന്യൂസിലാണ്ട് വനിത താരം ആമി സാത്തെര്‍ത്ത്‍വൈറ്റ്. ന്യൂസിലാണ്ടിനായി ഏറ്റവും അധികം മത്സരങ്ങള്‍ കളിച്ച താരമാണ് ആമി. 2007ൽ ഓസ്ട്രേലിയയ്ക്കെതിരെ ടി20 – ഏകദിന അരങ്ങേറ്റം നടത്തിയ താരം ഏകദിനത്തിൽ 4639 റൺസ് നേടിയിരുന്നു.
താരത്തിന് 2022-23 സീസണില്‍ കേന്ദ്ര കരാര്‍ ന്യൂസിലാണ്ട് ക്രിക്കറ്റ് ബോര്‍ഡ് നൽകിയിരുന്നില്ല. അതിൽ തനിക്ക് നിരാശയുണ്ടെന്നത് താരം വ്യക്തമാക്കി. ഈ തീരുമാനം ആണ് പെട്ടെന്നുള്ള വിരമിക്കൽ തീരുമാനത്തിന് പിന്നിലെന്ന് വേണം കരുതുവാന്‍.
