ധോണിയ്ക്ക് കീഴില്‍ കളിക്കാനായാല്‍ ഏറ്റവും സന്തോഷകരമായ കാര്യം

- Advertisement -

ഐപിഎലില്‍ കളിക്കാന്‍ അവസരം ലഭിയ്ക്കുകയാണെങ്കില്‍ അത് ധോണിയുടെ കീഴിലായാല്‍ ഏറ്റവും സന്തോഷകരമായ കാര്യമെന്ന് പറഞ്ഞ് ബംഗ്ലാദേശ് ഓള്‍റൗണ്ടര്‍ മുഹമ്മദ് സൈഫുദ്ദീന്‍. ബംഗ്ലാദേശിന് വേണ്ടി ഇന്ത്യയ്ക്കെതിരെ അര്‍ദ്ധ ശതകം നേടിയ താരം 8 മത്സരങ്ങളില്‍ നിന്ന് 13 വിക്കറ്റുകളും നേടി മികവാര്‍ന്ന പ്രകടനമാണ് ബംഗ്ലാദേശിന് വേണ്ടി നടത്തിയത്. ചെറുപ്പത്തിലെ മുതല്‍ താന്‍ ആരാധിക്കുന്ന വ്യക്തിയാണ് ധോണിയെന്നും ധോണിയ്ക്ക് കീഴില്‍ കളിയ്ക്കുവാന്‍ അവസരം ലഭിച്ചാല്‍ അത് ഏറെ സന്തോഷകരമായ അവസ്ഥയാകുമെന്നും സൈഫുദ്ദീന്‍ വ്യക്തമാക്കി.

ചെന്നൈ സൂപ്പര്‍ കിംഗ്സ് നിരയില്‍ എത്തുവാന്‍ സാധിച്ചില്ലെങ്കില്‍ പിന്നെ തന്റെ ഏറ്റവും പ്രിയപ്പെട്ട നഗരമായ കൊല്‍ക്കത്ത അടിസ്ഥാനമാക്കിയ കൊല്‍ക്കത്ത നൈറ്റ് റൈഡേഴ്സിനു വേണ്ടി കളിക്കുവാനായാല്‍ സന്തോഷകരമെന്ന് സൈഫുദ്ദീന്‍ വ്യക്തമാക്കി. ഷാക്കിബ് അല്‍ ഹസന്‍ കൊല്‍ക്കത്തയിലുണ്ടായിരുന്നപ്പോള്‍ താരത്തെ സ്നേഹിച്ച പോലെ തന്നെയും ആളുകള്‍ സ്നേഹിക്കണമെന്നാണ് തന്റെ ആഗ്രഹമെന്നും സൈഫുദ്ദീന്‍ പറഞ്ഞു. ഒരു ബംഗ്ലാദേശ് ദിന പത്രത്തിന് നല്‍കിയ അഭിമുഖത്തിലാണ് സൈഫുദ്ദീന്‍ തന്റെ ഐപിഎല്‍ ആഗ്രഹങ്ങള്‍ വ്യക്തമാക്കിയത്.

Advertisement