ഇന്ത്യന്‍ അരങ്ങേറ്റക്കാര്‍ക്ക് പറുദീസയായി വിന്‍ഡീസ് പരമ്പര

വിന്‍ഡീസിനെതിര ഇന്ത്യ കളിച്ച നാട്ടിലെ അവസാന മൂന്ന് പരമ്പരകളിലെയും ഒരു കാര്യം ശ്രദ്ധിച്ചാല്‍ അരങ്ങേറ്റക്കാര്‍ക്ക് പറുദീസയായി മാറുകയാണ് ഈ പരമ്പര എന്നത് വ്യക്തമാകുകയാണ്. അവസാന മൂന്ന് പരമ്പരകളിലും ഒരിന്ത്യന്‍ താരം ടെസ്റ്റ് പരമ്പരയിലെ കളിയിലെ താരമായി മാറുകയായിരുന്നു. ഈ പട്ടികയിലേക്ക് എറ്റവും പുതുതായി കടന്നെത്തിയ താരമാണ് ഇന്ത്യന്‍ യുവ ഓപ്പണര്‍ പൃഥ്വി ഷാ.

2011ല്‍ തന്റെ ടെസ്റ്റ് അരങ്ങേറ്റം കുറിച്ച രവിചന്ദ്രന്‍ അശ്വിന്‍ അന്ന് മാന്‍ ഓഫ് ദി സീരീസ് സ്വന്തമാക്കിയിരുന്നു. 2013ല്‍ രോഹിത് ശര്‍മ്മയും തന്റെ ടെസ്റ്റ് അരങ്ങേറ്റം ഗംഭീരമാക്കി. എന്നാല്‍ ടെസ്റ്റില്‍ ഇപ്പോഴും നിലയുറപ്പിക്കുവാന്‍ രോഹിത്തിനു സാധിച്ചിട്ടില്ല. 2018ല്‍ വിന്‍ഡീസ് വീണ്ടും ഇന്ത്യയിലെത്തിയപ്പോള്‍ പൃഥ്വി ഷായ്ക്കാണ് പരമ്പരയിലെ താരമാകുവാന്‍ സാധിച്ചത്.

10 താരങ്ങളാണ് ടെസ്റ്റ് ക്രിക്കറ്റില്‍ അരങ്ങേറ്റക്കാരായി പരമ്പരയിലെ താരങ്ങളായി തിരഞ്ഞെടുക്കപ്പെട്ടത്. 1996ല്‍ ഇംഗ്ലണ്ടിനെതിരെ അരങ്ങേറ്റം കുറിച്ച സൗരവ് ഗാംഗുലി അന്ന് മാന്‍ ഓഫ് ദി സിരീസ് സ്വന്തമാക്കിയിരുന്നു.

Previous article32 മാസ്റ്റേഴ്സ് കിരീടങ്ങൾ, ഒന്നാം സ്ഥാനം 35 പോയിന്റ് അകലെ
Next article23 സിക്സുകള്‍, ഒരു ടി20 ഇന്നിംഗ്സില്‍ ഏറ്റവുമധികം സിക്സ് നേടുന്ന ടീമായി ബാല്‍ക്ക് ലെജന്‍ഡ്സ്