വില്‍ പുകോവസ്കി ഗാബയില്‍ കളിക്കില്ലെന്ന് അറിയിച്ച് ടിം പെയിന്‍, പകരം മാര്‍ക്കസ് ഹാരിസ്

Pucovski
- Advertisement -

സിഡ്നി ടെസ്റ്റില്‍ തന്റെ അരങ്ങേറ്റ മത്സരത്തിനിടെ പരിക്കേറ്റ ഓസ്ട്രേലിയന്‍ യുവ താരവും ഓപ്പണറുമായ വില്‍ പുകോവസ്കി ഗാബയിലെ നാലാം ടെസ്റ്റില്‍ കളിക്കില്ല എന്നറിയിച്ച് ഓസ്ട്രേലിയന്‍ നായകന്‍ ടിം പെയിന്‍. പകരം മാര്‍ക്കസ് ഹാരിസ് ആവും ഓപ്പണിംഗിനായി എത്തുക.

പുകോവസ്കിയുടെ ഫിറ്റ്നെസ്സ് ടെസ്റ്റ് പരാജയമായി മാറിയതോടെയാണ് ഈ തീരുമാനത്തിലേക്ക് നീങ്ങുവാന്‍ ഓസ്ട്രേലിയ തീരുമാനിച്ചത്. സിഡ്നിയിലെ അവസാന ദിവസത്തില്‍ ഫീല്‍ഡിംഗിനിടെയാണ് പുകോവസ്കിയ്ക്ക് പരിക്കേറ്റത്.

ഓസ്ട്രേലിയയുടെ ബ്രിസ്ബെയിന്‍ ടെസ്റ്റിനുള്ള അവസാന ഇലവനില്‍ ഈ മാറ്റം മാത്രമേയുള്ളുവെന്നും ടിം പെയിന്‍ വ്യക്തമാക്കി.

ഓസ്ട്രേലിയ ഇലവന്‍ : David Warner, Marcus Harris, Marnus Labuschagne, Steve Smith, Matthew Wade, Cameron Green, Tim Paine (c & wk), Pat Cummins, Mitch Starc, Nathan Lyon, Josh Hazlewood.

Advertisement