പുകോവസ്കിയ്ക്ക് മിഡില്‍ ഓര്‍ഡറില്‍ അവസരം നല്‍കാവുന്നതാണ് – റിക്കി പോണ്ടിംഗ്

Willpucovski
- Advertisement -

ജോ ബേണ്‍സിന് പകരം വില്‍ പുകോവസ്കിയെ ഓപ്പണിംഗിന് ഓസ്ട്രേലിയ പരിഗണിക്കുവാനുള്ള സാധ്യത കുറവാണെന്നാണ് മറ്റു ക്രിക്കറ്റ് പണ്ഡിതന്മാരെപ്പോലെ മുന്‍ നായകന്‍ റിക്കി പോണ്ടിംഗും വിശ്വസിക്കുന്നത്. എന്നാല്‍ അവസരമുണ്ടെങ്കില്‍ മധ്യ നിരയില്‍ കാമറൂണ്‍ ഗ്രീനിന് പകരം താരത്തെ പരിഗണിക്കാവുന്നതാണെന്ന് റിക്കി വ്യക്തമാക്കി.

ഷെഫീല്‍ഡ് ഷീല്‍ഡില്‍ മികച്ച ഫോമില്‍ കളിക്കുന്ന വില്‍ പുകോവസ്കി ഓസ്ട്രേലിയയുടെ അടുത്ത താരമെന്നാണ് വിശേഷിക്കപ്പെടുന്നത്. എന്നാല്‍ വളരെ പ്രാധാന്യമുള്ള പരമ്പരയില്‍ ഓസ്ട്രേലിയ പരിചയമ്പത്തിനെ വിശ്വസിക്കുന്നതില്‍ തെറ്റ് പറയാനാകില്ലെന്ന് പോണ്ടിംഗ് വ്യക്തമാക്കി.

ഓപ്പണിംഗ് എന്നത് വേറെ തന്നെ കഴിവാണെന്നും മധ്യ നിരയില്‍ അവസരമുണ്ടെങ്കില്‍ താരത്തിന് ജസ്റ്റിന്‍ ലാംഗര്‍ അവസരം നല്‍കുമെന്ന് തന്നെയാണ് തന്റെ വിശ്വാസമെന്നും റിക്കി പോണ്ടിംഗ് കൂട്ടിചേര്‍ത്തു.

Advertisement