ബി.സി.സി.ഐ പ്രസിഡന്റായി തിരഞ്ഞെടുക്കപ്പെട്ട മുൻ ഇന്ത്യൻ ക്യാപ്റ്റൻ സൗരവ് ഗാംഗുലിയെ അഭിനന്ദിച്ച് മുൻ ഇന്ത്യൻ താരം വി.വി.എസ്. ലക്ഷ്മൺ. ഗാംഗുലിക്ക് കീഴിൽ ഇന്ത്യൻ ക്രിക്കറ്റ് ഉന്നതിയിൽ എത്തുമെന്നും ലക്ഷ്മൺ പറഞ്ഞു. തനിക്ക് അഭിനന്ദനം അറിയിച്ച ലക്ഷ്മണ് സൗരവ് ഗാംഗുലി നന്ദി പറയുകയും ചെയ്തു.
ഇന്ത്യക്ക് വേണ്ടി 113 ടെസ്റ്റ് മത്സരങ്ങളും 311 ഏകദിന മത്സരങ്ങളും കളിച്ച താരമാണ് ഗാംഗുലി. കഴിഞ്ഞ ദിവസമാണ് ബി.സി.സി.ഐ പ്രസിഡന്റായി എതിരില്ലാതെ ഗാംഗുലി തിരഞ്ഞെടുക്കപ്പെടുമെന്ന് ഉറപ്പായത്. നിലവിൽ ചുമതലയേറ്റത് മുതൽ 10 മാസമാണ് ഗാംഗുലി ബി.സി.സി.ഐ പ്രസിഡന്റായി തുടരുക. ഇത് പ്രകാരം 2020 ജൂലൈയിൽ സൗരവ് ഗാംഗുലി ബി.സി.സി.ഐ പ്രസിഡണ്ട് സ്ഥാനം ഒഴിയേണ്ടി വരും.
