ദ്രാവിഡിനെ ഇന്ത്യൻ പരിശീലകൻ ആക്കിയതിനു പിന്നാലെ നാഷണൽ ക്രിക്കറ്റ് അക്കാദമി തലവനായി വി വി എസ് ലക്ഷ്മണെയും ബി സി സി ഐ എത്തിക്കുകയാണ്. നാഷണൽ ക്രിക്കറ്റ് അക്കാദമി തലവനായും ഒപ്പം ഇന്ത്യൻ അണ്ടർ 19, ഇന്ത്യൻ എ ടീം എന്നിവയുടെ ചുമതലയും ലക്ഷ്ന്മണാകും. ദ്രാവിഡായിരുന്നു ഇതുവരെ ഈ ചുമതലയിൽ ഉണ്ടായിരുന്നത്. ഇന്ത്യൻ എ ടീമിന്റെ ദക്ഷിണാഫ്രിക്കൻ പര്യടനത്തിനു ശേഷമാകും ലക്ഷ്മൺ ചുമതലയേൽക്കുക. രണ്ട് മാസം മുമ്പ് ഇതേ ജോലി ലക്ഷ്മണ് ബി സി സി ഐ വാഗ്ദാനം ചെയ്തിരുന്നു. അന്ന് അദ്ദേഹം നിരസിച്ച ജോലിയാണ് ഇപ്പോൾ സ്വീകരിക്കുന്നത്. ദ്രാവിഡ് ഇന്ത്യൻ കോച്ചായില്ല എങ്കിൽ ലക്ഷ്മണെ കോച്ചായി നിയമിക്കാനും ബി സി സി ഐക്ക് പദ്ധതി ഉണ്ടായിരുന്നു.
Download the Fanport app now!
