ഉത്തപ്പയ്ക്ക് പിന്നാലെ വിഷ്ണു വിനോദിനും ശതകം, കേരളം കൂറ്റന്‍ സ്കോറിലേക്ക് കുതിയ്ക്കുന്നു

Sports Correspondent

Download the Fanport app now!
Appstore Badge
Google Play Badge 1

റെയില്‍വേസിനെതിരെയുള്ള വിജയ് ഹസാരെ ട്രോഫിയില്‍ വിഷ്ണു വിനോദിനും ശതകം. ഇന്ന് ബാംഗ്ലൂരില്‍ നടക്കുന്ന ടൂര്‍ണ്ണമെന്റിലെ മൂന്നാം മത്സരത്തില്‍ ആദ്യം ബാറ്റ് ചെയ്ത കേരളത്തിന് വേണ്ടി ഒന്നാം വിക്കറ്റില്‍ റോബിന്‍ ഉത്തപ്പയും വിഷ്ണു വിനോദും 193 റണ്‍സാണ് നേടിയത്.

തന്റെ ശതകം പൂര്‍ത്തിയാക്കിയ റോബിന്‍ ഉത്തപ്പയുടെ വിക്കറ്റ് സ്വന്തം ബൗളിംഗില്‍ ശിവം ചൗധരി സ്വന്തമാക്കിയപ്പോള്‍ വിഷ്ണു വിനോദും സഞ്ജു സാംസണും ചേര്‍ന്ന് കേരളത്തിന്റെ സ്കോര്‍ മുന്നോട്ട് നയിച്ചു. 98 പന്ത് നേരിട്ടാണ് വിഷ്ണു വിനോദ് തന്റെ ശതകം പൂര്‍ത്തിയാക്കിയത്. അഞ്ച് ഫോറും നാല് സിക്സും അടക്കമായിരുന്നു ഈ സ്കോര്‍.

37 ഓവറുകള്‍ പിന്നിടുമ്പോള്‍ കേരളം 240 എന്ന നിലയില്‍ ആണ്.