2018-19 വിജയ് ഹസാരെ ട്രോഫിയില്‍ അജിങ്ക്യ രഹാനെ മുംബൈയെ നയിക്കും. മുംബൈ സെപ്റ്റംബര്‍ 19നു ബറോഡയ്ക്കെതിരെയാണ് തങ്ങളുടെ വിജയ് ഹസാരെ ട്രോഫി ടൂര്‍ണ്ണമെന്റിലെ ആദ്യ മത്സരത്തിനു ഇറങ്ങുക. ആദിത്യ താരെയില്‍ നിന്നാണ് രഹാനെ ക്യാപ്റ്റന്‍സി ദൗത്യം ഏറ്റെടുക്കുന്നത്. ശ്രേയസ്സ് അയ്യരാണ് ടീമിന്റെ ഉപ-നായകന്‍. വിനായക് സാമന്തിനു ആണ് മുംബൈയുടെ പുതിയ പരിശീലകന്‍.
ആദ്യത്തെ നാല് മത്സരങ്ങള്‍ക്കായാണ് രഹാനെ ടീമിന്റെ നായകനാകുന്നത്. ഇന്ത്യ എയ്ക്കൊപ്പം മികച്ച പ്രകടനം നടത്തിയ പൃഥ്വി ഷായും ടീമിലംഗമാണ്.
മുംബൈ സ്ക്വാഡ്: അജിങ്ക്യ രഹാനെ, പൃഥ്വി ഷാ, ജയ് ബിസ്ട, സൂര്യകുമാര്‍ യാദവ്, സിദ്ധേഷ് ലാഡ്, ആദിത്യ താരെ, ഏക്നാഥ് കേര്‍കാര്‍, ശിവം ഡുബേ, ആകാശ് പാര്‍ക്കര്‍, ധവാല്‍ കുല്‍ക്കര്‍ണ്ണി, ഷംസ് മുലാനി, വിജയ് ഗോഹില്‍, തുഷാര്‍ ദേശ്പാണ്ഡേ, റോഷ്ടണ്‍ ഡയസ്
