പ്രിലിമിനറി ക്വാര്‍ട്ടര്‍ ഫൈനൽ, കേരളത്തിന് എതിരാളികള്‍ ജമ്മു ആന്‍ഡ് കാശ്മീര്‍

Kerala

വിജയ് ഹസാരെ ട്രോഫി പ്രിലിമിനറി ക്വാര്‍ട്ടര്‍ ഫൈനലില്‍ കടന്ന് കേരളം. ജമ്മു ആന്‍ഡ് കാശ്മീര്‍ ആണ് കേരളത്തിന്റെ എതിരാളികള്‍. തമിഴ്നാടിന് പിന്നിലായി ഗ്രൂപ്പിൽ രണ്ടാം സ്ഥാനക്കാരായാണ് കേരളം അടുത്ത റൗണ്ടിലേക്ക് കടന്നത്. ഈ മത്സരം വിജയിച്ചാൽ പഞ്ചാബ് ആണ് കേരളത്തിന്റെ ക്വാര്‍ട്ടറിലെ എതിരാളി.

മറ്റു പ്രിലിമിനറി ക്വാര്‍ട്ടര്‍ ഫൈനൽ മത്സരങ്ങളിൽ ഉത്തര്‍ പ്രദേശും മുംബൈയും കര്‍ണ്ണാടകയും ജാര്‍ഖണ്ഡും ഏറ്റുമുട്ടും. മത്സരങ്ങളെല്ലാം അഹമ്മദാബാദിലാണ് നടക്കുന്നത്. മഹാരാഷ്ട്ര, ആസാം എന്നിവര്‍ മേൽപ്പറഞ്ഞ മത്സരത്തിലെ വിജയികളെ ക്വാര്‍ട്ടര്‍ ഫൈനലില്‍ നേരിടും.

നാലാം ക്വാര്‍ട്ടറിൽ തമിഴ്നാടും സൗരാഷ്ട്രയും ഏറ്റുമുട്ടും.