വിജയ ഹസാരെ ട്രോഫിയിൽ മൂന്നാം വിജയം കരസ്ഥമാക്കി കേരളം. ഇന്ന് സിക്കിമിനെ 83 റൺസിന് എറിഞ്ഞിട്ട ശേഷം കേരളം 13.2 ഓവറിൽ വിജയം കരസ്ഥമാക്കുകയായിരുന്നു. 38 റൺസുമായി കൃഷ്ണ പ്രസാദ് പുറത്താകാതെ നിന്നപ്പോള്‍ 25 റൺസ് നേടിയ രോഹന്‍ കുന്നുമ്മൽ ആണ് മറ്റൊരു പ്രധാന സ്കോറര്‍.
നേരത്തെ എസ് മിഥുന്‍, അഖിൽ സ്കറിയ, അഭിജിത്ത് പ്രവീൺ എന്നിവരുടെ ബൗളിംഗ് മികവിലാണ് സിക്കിമിനെ കേരളം 83 റൺസിന് പുറത്താക്കിയത്.
16 പോയിന്റുമായി കേരളം ഗ്രൂപ്പിൽ മുംബൈയ്ക്ക് പിന്നിൽ രണ്ടാം സ്ഥാനത്താണ്. പുതുച്ചേരി, റെയിൽവേസ് എന്നിവരാണ് കേരളത്തിന്റെ അടുത്ത രണ്ട് എതിരാളികള്‍. മുംബൈയോടാണ് കേരളത്തിന് പരാജയം ഏറ്റുവാങ്ങേണ്ടി വന്നത്.
