6.2 ഓവറില്‍ വിജയം കൈവരിച്ച് ഫിനസ്ട്ര സ്ട്രൈക്കേഴ്സ്, ഇനാപ്പിനെ പരാജയപ്പെടുത്തിയത് 8 വിക്കറ്റിന്

- Advertisement -

ടിപിഎല്‍ 2020ല്‍ ഇന്ന് നടന്ന അവസാന മത്സരത്തില്‍ എട്ട് വിക്കറ്റ് വിജയം നേടി ഫിനസ്ട്ര സ്ട്രൈക്കേഴ്സ്. ഇന്ന് ഇനാപ് റെഡ്ബുള്‍സിനെയാണ് ഫിനസ്ട്ര പരാജയപ്പെടുത്തിയത്. ആദ്യം ബാറ്റ് ചെയ്ത ഇനാപ് 8 വിക്കറ്റ് നഷ്ടത്തില്‍ 55 റണ്‍സാണ് നേടിയത്. ഓപ്പണര്‍ അരവിന്ദ് സഞ്ജീവ് 28 റണ്‍സുമായി ടോപ് സ്കോറര്‍ ആയപ്പോള്‍ മറ്റാര്‍ക്കും തന്നെ 5ന് മേലുള്ള സ്കോര്‍ നേടാനായില്ല. ഫിനസ്ട്രയ്ക്കായി അര്‍ജ്ജുന്‍ രാജ കൃഷ്ണന്‍ 3 വിക്കറ്റ് വീഴ്ത്തി. പ്രശാന്ത് ശിവന്‍ രണ്ടും വിക്കറ്റാണ് വീഴ്ത്തിയത്.

ബാറ്റിംഗില്‍ ഫിനസ്ട്രയ്ക്കായി 19 പന്തില്‍ 30 റണ്‍സ് നേടി പുറത്താകാതെ നിന്ന വിപിന്‍ നായരും 8 പന്തില്‍ 17 റണ്‍സ് നേടിയ വിപിന്‍ കൊല്ലാരത്തുമാണ് മികച്ച പ്രകടനം പുറത്തെടുത്തത്. ഇനാപ്പിനായി ബോബിന്‍ ലൂക്കോസ് രണ്ട് വിക്കറ്റ് നേടി. 6.2 ഓവറിലാണ് 8 വിക്കറ്റ് വിജയം ഫിനസ്ട്ര കരസ്ഥമാക്കിയത്.

Advertisement