പാട്രിയറ്റ്സിനെ പരാജയപ്പെടുത്തി പാന്തേഴ്സ്

- Advertisement -

തമിഴ്നാട് പ്രീമിയര്‍ ലീഗില്‍ മധുരൈ പാന്തേഴ്സിനു ഏഴ് വിക്കറ്റ് ജയം. ടൂട്ടി പാട്രിയറ്റ്സിനെതിരെയാണ് മികച്ച ജയം ഇന്ന് മധുരൈ പാന്തേഴ്സ് സ്വന്തമാക്കിയത്. ടോസ് നേടി ടൂട്ടി പാട്രിയറ്റ്സ് ബാറ്റിംഗ് തിരഞ്ഞെടുത്തുവെങ്കിലും 20 ഓവറില്‍ 5 വിക്കറ്റുകളുടെ നഷ്ടത്തില്‍ 165 റണ്‍സ് മാത്രമേ ടീമിനു നേടാനായുള്ളു. സുബ്രമണ്യന്‍ ആനന്ദ്(44), അക്ഷയ് ശ്രീനിവാസന്‍(42), എസ് ദിനേശ്(35) എന്നിവര്‍ക്ക് പുറമേ രാജഗോപാല്‍ സതീഷ് 10 പന്തില്‍ 24 റണ്‍സ് നേടി പാട്രിയറ്റ്സ് നിരയില്‍ തിളങ്ങി. ബൗളിംഗ് ടീമിനു വേണ്ടി അഭിഷേക് തന്‍വര്‍ മൂന്ന് വിക്കറ്റ് നേടി. വരുണ്‍ ചക്രവര്‍ത്തി, ജഗദീഷന്‍ കൗശിക് എന്നിവര്‍ ഓരോ വിക്കറ്റും നേടി.

ലക്ഷ്യം 18.4 ഓവറിലാണ് മധുരൈ പാന്തേഴ്സ് മറികടന്നത്. അരുണ്‍ കാര്‍ത്തിക് 59 റണ്‍സുമായി ടോപ് സ്കോറര്‍ ആയപ്പോള്‍ ജഗദീഷന്‍ കൗശിക് 38 റണ്‍സ് നേടി പുറത്താകാതെ ടീമിന്റെ വിജയം ഉറപ്പിച്ചു. നിര്‍ണ്ണായക ഇന്നിംഗ്സുകളുമായി രോഹിത്(28), ഷിജിത്ത് ചന്ദ്രന്‍(29) എന്നിവരും മികവ് പുലര്‍ത്തി.

പാട്രിയറ്റ്സിനു വേണ്ടി അതിശയരാജ് ഡേവിഡ്സണ്‍ രണ്ടും ഗണേഷ് മൂര്‍ത്തി ഒരു വിക്കറ്റും നേടി.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement