തമിഴ്നാട് ക്രിക്കറ്റ് അസോസ്സിയേഷനു ലഭിച്ച ബിസിസിഐ അനുമതിയെ വിലക്കി കമ്മിറ്റി ഓഫ് അഡ്മിനിസ്ട്രേറ്റേര്‍സ്. നേരത്തെ തന്നെ ഇത്തരത്തില്‍ അന്യ സംസ്ഥാന താരങ്ങള്‍ക്ക് അനുമതി നല്‍കി ടൂര്‍ണ്ണമെന്റ് നടത്തുകയാണെങ്കില്‍ അംഗീകൃതമല്ലാത്തതായി ടൂര്‍ണ്ണമെന്റിനെ പ്രഖ്യാപിക്കുമെന്ന താക്കീത് സിഒഎ നല്‍കിയിരുന്നു. എന്നാല്‍ തമിഴ്നാട് ക്രിക്കറ്റ് അസോസ്സിയേഷന്‍ ഇതിനു ബിസിസിഐയ്ക്ക് നേരത്തെ തന്നെ കത്തയയ്ച്ചിരുന്നുവെന്നും ബിസിസിഐ അനുമതി ലഭിച്ചതാണെന്നുമാണ് അസോസ്സിയേഷന്‍ വാദിച്ചത്.
ഇപ്പോള്‍ ബിസിസിഐ നിയമങ്ങള്‍ പ്രകാരം ഇപ്രകാരം അനുമതി നല്‍കുക സാധ്യമല്ലെന്നു സിഒഎ തിരികെ ടിഎന്‍സിഎയ്ക്ക് കത്ത് നല്‍കി. താരങ്ങള്‍ക്ക് അനുമതി പത്രം നല്‍കിയ അസോസ്സിയേഷനുകളോട് അത് പിന്‍വലിക്കുവാനും സിഒഎ ആവശ്യപ്പെട്ടിട്ടുണ്ട്.
എന്നാല്‍ ടിഎന്‍സിഎ തിങ്കളാഴ്ച നടക്കുന്ന ഗവേണിംഗ് കൗണ്‍സില്‍ യോഗത്തില്‍ മാത്രമേ ഇത് സംബന്ധിച്ച തീരുമാനം കൈക്കൊള്ളുകയുള്ളു. അടുത്ത് കുറച്ച് കാലമായി പല വിഷയങ്ങളിലും ബിസിസിഐയും സിഒഎയും വിരുദ്ധ ചേരികളിലാണ്.
കൂടുതൽ കായിക വാർത്തകൾക്ക് : www.facebook.com/FanportOfficial
