സ്റ്റീവ് സ്മിത്ത് ഓസ്ട്രേലിയയുടെ അടുത്ത ക്യാപ്റ്റനാകുവാന്‍ അര്‍ഹന്‍ – ടിം പെയിന്‍

ഓസ്ട്രേലിയയുടെ അടുത്ത ക്യാപ്റ്റനാകുവാന്‍ സ്റ്റീവ് സ്മിത്ത് അര്‍ഹനെന്ന് പറഞ്ഞ് നിലവിലത്തെ ടെസ്റ്റ് ക്യാപ്റ്റന്‍ ടിം പെയിന്‍. താരത്തിന് ആ സ്ഥാനം കിട്ടുവാന്‍ തന്നാലാവുന്ന സഹായം ചെയ്യുമെന്നും ടിം പെയിന്‍ പറഞ്ഞ്. താന്‍ അദ്ദേഹത്തിന്റെ കീഴില്‍ കളിച്ചിരുന്നപ്പോള്‍ സ്മിത്ത് മികച്ചൊരു ക്യാപ്റ്റനായിരുന്നുവെന്നും ഇനിയും സ്മിത്തിന് അത് സാധിക്കുമെന്നും ടിം പെയിന്‍ പറഞ്ഞു.

തനിക്ക് പകരം സ്മിത്തിനെ ഇനിയും ക്യാപ്റ്റനാക്കിയാല്‍ താന്‍ പിന്തുണയ്ക്കുമെന്നും താരത്തിന് കീഴില്‍ കളിക്കുവാനും തയ്യാറാണെന്ന് ടിം പെയിന്‍ വ്യക്തമാക്കി. 23 മത്സരങ്ങളില്‍ ഓസ്ട്രേലിയയെ 11 വിജയത്തിലേക്കും 4 സമനിലയിലേക്കുമാണ് ടിം പെയിന്‍ നയിച്ചത്.